من مطبخى :
464 - كحك العيد :
المقادير :
1 كيلو دقيق .
2 و نصف او 3 كوب سمن بلدى .
ملعقة كبيرة ريحة
الكحك .
3 ملاعق كبيرة سمسم محمص .
نصف كوب لبن او ماء .
رشة ملح .
ملعقة صغيرة سكر .
قطعة خميرة فى حجم عين الجمل او
ملعقة كبيرة من خميرة البيرة .
سكر بودرة للتزين .
الطريقة :
فى بولة نضع الخميرة مع ملعقة السكر و نقلب حتى
يندمج السكر مع الخميرة
ثم نضيف اللبن الدافئ و نقلب ثم نغطى المزيج و
نتركه جانبا .
فى بولة كبيرة ينخل الدقيق و يضاف اليه السمسم
المحمص , ريحة الكحك , النشا و رشة الملح .
يوضع السمن فى كسرولة على النار حتى يقدح ( يسخن
بدرجة عالية ) ثم نعمل حفرة فى وسط الدقيق و نصب
فيها السمن الساخن و نقلب بملعقة
خشب حتى تهداء حرارته ثم نبداء فى بس العجين
او فركه باليدين حتى يتشرب الدقيق السمن و يصبح
مثل الرم المبلول ( يبس لمدة 6 او 10 دقائق ) .
ثم يضاف مزيج اللبن و الخميرة و يقلب الخليط
حتى تمتزج المكونات فقط ( بلاش عجن كتير يعنى ) ..
لو لقينا العجينه لسه محتاجه سائل ممكن نضيف لها من ربع الي نصف
كوب لبن حليب دافئ وتلم مع بعضها
نعرف ازاي أن العجينه محتاجه سايل بأننا ناخد منها قطعه صغيره
ونعملها كوره ونشوفها إذا عملت شقوق كده تبقي محتاجه سائل.
اذا معمليتش تبقي كده تمام
و نبدا
فى عمل وحدات الكحك بالحجم المفضل لديكم انا افضل مثل حجم
العملة المعدنية و تنقش بالمنقاش
اوبالشوكة ثم توضع فى صينية
الخبز و تترك لتخمر لمدة لا تقل عن
3 ساعات ثم يخبز فى فرن ساخن
حتى نحصل على اللون الذهبى .
يترك الكحك حتى يبرد تماما ثم يزين
بالسكر البودرة و يرص فى طبق التقديم
و بالهنا .
ليست هناك تعليقات:
إرسال تعليق