259- خليه يفكر :
انت و طفلك :
259- خليه يفكر :
المفروض كان يعمل دة قبل دة ......
جملة بنقولها كتير لولادنا .... بس فى الاغلب
هما مش بيفهموا احنا ليه بنقول كدة ....
و ليه بنختار حل الوجبات قبل اللعب ....
و بيتكرر الموقف فى حاجات تانية مش بس
المذاكرة ....
الحل :
اتكلمى معاهم..... اشرحى ليهم .... اديهم طريقة
التفكير ....
يعنى لما تلاقى ابنك بيلعب و لسة ماعملش
الواجب ماتزعقيش ....
قوليله انك عايزة تتكلمى معاه .... و نبداء سوى ....
من عمر 3 سنوات ممكن يستوعب الكلام و حيفهم بس لازم يتكرر لانه حينساه ...
الفتى نظرهم ان كل واحد فى الحياة عنده حاجات لازم يعملها .....
و ان كل واحد كمان فى حاجات بيحب يعملها غير التزاماته ....
يعنى مثلا الاب لازم يروح الشغل كل يوم علشان يجيب فلوس ....
و ان الام لازم تطبخ علشان الكل ياكل ....
و ان الام لازم تغسل علشان تبقى الهدوم نظيفة .....
و ممكن تخليهم يقولوا هما شوية امثلة ....
طيب ازاى حنخليهم يفكروا ....
نبداء بطرح الاسئلة .. طيب لو الاب قعد يتفرج على ماتشات كورة و ماراحش
الشغل .....ازاى حنجيب فلوس ؟؟؟؟؟
طيب لو الام ماطبختش حناكل ايه ؟؟؟؟
طيب لو الام مارحتش تاخد الولاد من المدرسة علشان المسلسل لسة ماخلصش ...
حيروحوا ازاى و حيقعودوا فين ؟؟؟؟
طيب لو ماغسلتش و قعدت تتفرج على المسلسلات او تتكلم فى التليفون
حنلبس لبس نظيف ازاى ؟؟؟؟؟
قوليلهم ان الاب طبعا بيحب يتفرج على الكورة بس لازم يروح شغله لان الشغل
اهم علشان يقدر يجيب فلوس .....
و ان الام طبعا بتحب المسلسلات بس لازم تطبخ الاول و تخلص الغسيل علشان
يلاقوا اكل و اللبس يبقى نظيف ....
و ان الام لازم تنزل تجيب الاولاد من المدرسة حتى لو المسلسل ماخلصش ....
يعنى ما ينفعش ان الام تقعد تتفرج على التليفزيون الاول و تطبخ متاخر علشان
الولاد حيرجعوا جعانين و مش حيلاقوا اكل ......
اساليهم .... طب المفروض الام تعمل ايه ؟؟؟؟؟؟
هما حيجوبوا صح و حيقولوا تطبخ الاول و بعدين تتفرج ....
اساليهم تانى و اللى عنده واجبات و مذاكرة .....بس بيحب لعبة و عايز يعدى
الدور دة و اللى بعده يعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هما حيفهموا لوحدهم .....
بعد يومين خليهم يشوفوكى بتعملى حاجة ترفيهية و تسيبيها علشان عشاهم مثلا ....
و الفتى نظرهم لو ماخدوش بالهم ....علشان يحسوا انهم مش لوحدهم و
ان كل واحد عنده واجبات لازم يعملها الاول ....
لازم تكرار لانهم بينسوا علشان صغيرين .....
بس حيفهموا و حيعرفوا يفكروا ..... و الاهم انه حينتج عنه تقارب و تفاهم
بينك و بينهم و دة حيبقى مهم جدا فى مرحلة المراهقة ...
ليست هناك تعليقات:
إرسال تعليق