217- انت و طفلك :
217- انت و طفلك :
من الاول خالص طفل عمره
ايام او اسابيع مش بيستعبط ...
لو عيط يبقى ...
جعان ... مغص ... محتاج
يغير ... عايز ينام ... او خايف و ساعات بيبقى
عايزك انت بس .
دى وسيلته الوحيدة انه يعبرعن احتياجه لاى حاجة .
.jpe)
طبعا انت تعبانة و مرهقة و
غالبا مافيش نوم
كافى .... معليش فى الاول
حيحتاج مجهود زيادة لكن بعد
ما حيطمن انك دايما جنبه
او انه لما بيناديكى بطريقته
بتروحيله مش حيناديكى الا
للضرورة لانك ادتيله الاطمئنان و دة مش سهل بس
تقدرى تعمليه انت بتربى رصيد من الحب و الحنان حتحسيه بنفسك بعد كدة ....
يعنى بتحطى اساس العلاقة بينك و بينه .
ممكن الاب او الاجداد يساعدوا اوقات راحتك اللى دايما قليلة .... استحملى النتيجة
تستاهل .
على فكرة هو مايعرفش فى الدنيا غير دقات قلبك و ريحتك بعد كدة .
و فى كل الاحوال دى محتاج حنانك و حضنك ماتبخليش عليه .... دة ابنك .
اما لو كان العياط مستمر او غير الطبيعى فهنا لابد من استشارة الدكتور يمكن
تكون بداية عيا و انت مش عارفة .
ليست هناك تعليقات:
إرسال تعليق