346 - تربية ايجابية
انت طفلك :
346 - تربية ايجابية :
لتجعليه يسمع كلامك و يبقى هو الى عايز و
كمان يخاف على زعلك ....... احترميه
ايوة احترميه .......
بمعنى ما لا توجهى له انتقاد امام الناس لانك
ببساطة بتحرجية .....
ماتزعقيلوش امام اصحابه او اى حد لانك
ببساطة بتخليه مهزق .....
ماتكبريش غلطاته و تتكلمى فيها كتير لانك
بتخليه مايهتمش ...
احكى لاصحابك و اهلك و اى حد يكلمك عن
حاجة يكون عملها و لو حتى بسيطة
زى انه لم لعبه و رتبها ........
خليه ينبسط انه بسطك و يتعود على انه يبقى عايز يبسطك ...
و شوفى حيبقى مبسوط ازاى انه عمل حاجة خليت مامته تنبسط .... قمة الفرح .....
انت بتخليه يثق فى نفسه بطريقة غير مباشرة و دة مهم ......
و اهم واحد تحكيله الاب طبعا .....لانه حيبقى مستنى تعليقه او رد فعله ....
و حاولى تعملى انك بتحكى و مش قاصدة انه يسمعك .....
و كررى عليه جملة انك مبسوطة من اللى عمله و انه شاطر مش زى الولاد
المهملة و ان المهمل حاجته بتبوظ و مع الوقت مش بيبقى عنده حاجة .....
يعنى تقولى كل النصايح المتعلقة بالحاجة اللى عملها ......
و اهم حاجة انك لازم ماتنسيش انه طفل و حينسى كل اللى قولتيه و كمان
مش حيعمل كل اللى انت عايزاه لانه لسة بيتعلم ......
خليكى دايما فاكرة انه طفل .......
ليست هناك تعليقات:
إرسال تعليق